തൃശൂർ: വരവൂർ ഗവ. ഹയർസെക്കൻഡറി സ്കൂളിൽ പൂർവ വിദ്യാർഥി സംഗമം നടക്കുന്നതിനിടെ വടിവാൾ വീശി രണ്ടംഗ സംഘം. ബൈക്കിലെത്തിയ രണ്ട് യുവാക്കളാണ് വടിവാൾ വീശിയത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. അക്രമി സംഘത്തിലെ ഒരാളുടെ ബൈക്കുമായി സ്കൂളിലെത്തിയ ഒരാളുടെ വാഹനം തട്ടിയിരുന്നു. ഇത് ചോദിക്കാനാണിവർ വടിവാളുമായെത്തിയതെന്ന് പറയുന്നു. അക്രമികളെ മറ്റുള്ളവർ ഇടപെട്ട് സ്കൂളിൽ നിന്നും പറഞ്ഞയച്ചിരുന്നു.
ചെറുതുരുത്തി: പാഞ്ഞാൾ പഞ്ചായത്തിലെ കിള്ളിമംഗലം ജി.യു.പി സ്കൂളിലെ 12 കുട്ടികൾക്ക് ഛർദിയും അവശതയും അനുഭവപ്പെട്ടത് ആശങ്കക്കിടയാക്കി. വെള്ളിയാഴ്ച ഉച്ചക്ക് സ്കൂളിൽനിന്ന് ഭക്ഷണം കഴിച്ച നാല്, അഞ്ച് ക്ലാസുകളിലെ കുട്ടികൾക്കാണ് ശാരീരിക അവശത അനുഭവപ്പെട്ടത്. ചോറിനൊപ്പം സാമ്പാർ, പയർ കറി എന്നിവയാണ് നൽകിയത്. പാലും ഉണ്ടായിരുന്നു. കുട്ടികളും അധ്യാപകരുമടക്കം 400ഓളം പേർ ഭക്ഷണം കഴിച്ചിരുന്നതായി സ്കൂൾ അധികൃതർ പറയുന്നു. 12 കുട്ടികളെയും ആശുപത്രിയിൽ പ്രവേശിപ്പിച്ച് പ്രാഥമിക ചികിത്സ നൽകി വിട്ടയച്ചു. ഇവരിൽ ചിലർക്ക് ശനിയാഴ്ചയും ഛർദി അനുഭവപ്പെട്ടു. തുടർന്ന് … Read more
കയ്പമംഗലം: പെരിഞ്ഞനത്ത് വീട് കുത്തിത്തുറന്ന് മോഷണശ്രമം. കുറ്റിലക്കടവ് സെന്ററിൽ ആളില്ലാത്ത വീട്ടിലാണ് മോഷണശ്രമം നടന്നത്. കരുവത്തിൽ ശ്രീകുമാറിന്റെ വീട്ടിലാണ് സംഭവം. ഒരു മാസത്തോളമായി വീട് അടച്ചിട്ടിരിക്കുകയാണ്. ശനിയാഴ്ച വൈകീട്ട് അയൽപക്കത്തെ സ്ത്രീയാണ് വാതിൽ കുത്തിത്തുറന്ന നിലയിൽ കണ്ടത്. ഉടൻ കയ്പമംഗലം പൊലീസിൽ അറിയിച്ചു. വീട്ടിനുള്ളിലെ അലമാരകൾ കുത്തിത്തുറന്ന് സാധനങ്ങളെല്ലാം വാരിവലിച്ചിട്ട നിലയിലാണ്. ഒന്നും നഷ്ടപ്പെട്ടിട്ടില്ല എന്നാണറിയുന്നത്. കയ്പമംഗലം പൊലീസ് അന്വേഷണം തുടങ്ങി.
കൊടുങ്ങല്ലൂർ: സ്കൂട്ടറിൽ യാത്ര ചെയ്യുകയായിരുന്ന വീട്ടമ്മയുടെ മാല ബൈക്കിലെത്തിയവർ പൊട്ടിച്ച് കടന്നു. കയ്പമംഗലം കോയിശ്ശേരി കണ്ണന്റെ ഭാര്യ ലയയുടെ ഏഴ് പവൻ മാലയാണ് ബൈക്കിൽ പിന്തുടർന്ന് എത്തിയവർ കവർന്നത്. ശനിയാഴ്ച കൊടുങ്ങല്ലൂർ ചന്തപ്പുരക്ക് പടിഞ്ഞാറ് തണ്ടാംകുളത്ത് വെച്ചാണ് സംഭവം. മക്കളോടൊപ്പം മേത്തല ആനപ്പുഴയിൽ വിവാഹ ചടങ്ങിൽ പങ്കെടുക്കാൻ പോവുകയായിരുന്നു ലയ. കൊടുങ്ങല്ലൂർ പൊലീസ് അന്വേഷണം തുടങ്ങി.
ഗുരുവായൂര്: ഗാന്ധിജിയുടെ ഗുരുവായൂര് സന്ദര്ശനത്തിന് ശനിയാഴ്ച 90 വയസ്സ്. 1934 ജനുവരി 11നാണ് ഗാന്ധിജി ഗുരുവായൂരിലെത്തിയത്. ഹിന്ദു സമുദായത്തിലെ കീഴ്ജാതിക്കാര്ക്ക് ഗുരുവായൂര് ക്ഷേത്രത്തില് പ്രവേശനം ലഭിക്കാന് നടന്ന ഐതിഹാസിക സമരമായിരുന്നു ഗുരുവായൂര് സത്യഗ്രഹം. ഗാന്ധിജിയുടെ അനുമതിയോടെ 1931 നവംബര് ഒന്നിനാണ് സമരം ആരംഭിച്ചത്. സമരത്തിന്റെ ഭാഗമായി 1932 സെപ്റ്റംബര് 21ന് കേളപ്പന് നിരാഹാരം ആരംഭിച്ചു. കേളപ്പന് അവശനായതോടെ ക്ഷേത്രം എല്ലാവര്ക്കുമായി തുറക്കാനുള്ള ഉത്തരവാദിത്തം താന് ഏറ്റെടുക്കാമെന്ന് പ്രഖ്യാപിച്ച ഗാന്ധിജി നിരാഹാരം അവസാനിപ്പിക്കാന് ആവശ്യപ്പെട്ടു. 1932 ഒക്ടോബര് ഒന്നിന് … Read more