കൊടകര: നിരവധി ക്രിമിനല് കേസുകളില് പ്രതിയായ യുവാവിനെ കാപ്പ നിയമപ്രകാരം അറസ്റ്റ് ചെയ്ത് ജില്ലയിൽനിന്ന് നാടുകടത്തി. കുറ്റിച്ചിറ കൂര്ക്കമറ്റം പള്ളത്തേരി വീട്ടില് മനുവിനെയാണ് (30) തൃശൂര് റേഞ്ച് ഡി.ഐ.ജി പുട്ട വിമലാദിത്യയുടെ ഉത്തരവ് പ്രകാരം നാടുകടത്തിയത്. വെള്ളികുളങ്ങര സ്റ്റേഷനില് നാല് ക്രിമിനല് കേസുകളിലും ചാലക്കുടി സ്റ്റേഷനില് ഒരു ക്രിമിനല് കേസിലും പ്രതിയാണ് ഇയാളെന്ന് പൊലീസ് അറിയിച്ചു.
കുന്നംകുളം: സ്വകാര്യ പണമിടപാട് സ്ഥാപനത്തിലെ ജീവനക്കാര് വീട്ടില് കയറി ആക്രമിച്ചതായി പരാതി. ആനായ്ക്കല് സ്വദേശികളായ പൂഴിക്കുന്നത്ത് വീട്ടില് ബവീഷ് (33), ചൂണ്ടുപുരക്കല് നന്ദകുമാര് (26) എന്നിവര്ക്കാണ് പരിക്കേറ്റത്. കഴിഞ്ഞദിവസം വൈകീട്ട് അഞ്ചിന് ബവീഷിന്റെ സുഹൃത്തും അയല്വാസിയുമായ സുബിലിന്റെ വീട്ടിലേക്കാണ് സ്വകാര്യ പണമിടപാട് സ്ഥാപനത്തിലെ ജീവനക്കാര് പണം ആവശ്യപ്പെട്ടെത്തിയത്. എന്നാല്, ഈ സമയത്ത് സുബിലിന്റെ സഹോദരി മാത്രമാണ് വീട്ടിലുണ്ടായിരുന്നത്. ജീവനക്കാര് വീടിനുള്ളിലേക്ക് അതിക്രമിച്ചുകയറുകയും പെണ്കുട്ടിയോട് മോശമായി പെരുമാറുകയും ചെയ്തതോടെ സുബിലിന്റെ നിർദേശപ്രകാരം അയല്വാസിയായ ബവീഷ് വീട്ടിലെത്തുകയായിരുന്നു. പെണ്കുട്ടികള് മാത്രമുള്ള … Read more
ചേലക്കര: വീടുകളിലെത്തി ഇലക്ട്രോണിക്സ് ഉൽപന്നങ്ങൾ വിൽക്കുന്നയാൾ പീഡന കേസിൽ അറസ്റ്റിൽ.വടക്കാഞ്ചേരി ആലിക്കൽപീടികയിൽ ഇബ്രാഹിം (63) ആണ് അറസ്റ്റിലായത്. ചേലക്കര സ്വദേശിയുടെ പരാതിയെത്തുടർന്നാണ് സി.ഐ ഇ. ബാലകൃഷ്ണൻ പ്രതിയെ അറസ്റ്റ് ചെയ്തത്. കച്ചവടത്തിനായി വീടുകളിലെത്തി സ്ത്രീകളുമായി സൗഹൃദം സ്ഥാപിച്ച് പീഡനത്തിനിരയാക്കുന്നതാണ് ഇയാളുടെ രീതി.
വരന്തരപ്പിള്ളി: എച്ചിപ്പാറ മേഖലയിൽ പേവിഷബാധ വ്യാപകമായ സാഹചര്യത്തിൽ പഞ്ചായത്തിന്റെ നേതൃത്വത്തിൽ അടിയന്തര യോഗം ചേർന്നു. വീടുകളിൽ കെട്ടിയിട്ട് വളർത്തുന്ന പശുക്കൾക്കെല്ലാം വാക്സിൻ നൽകാൻ യോഗത്തിൽ തീരുമാനമായി. കൂടാതെ തോട്ടങ്ങളിൽ മേഞ്ഞു നടക്കുന്ന പശുക്കളെ പിടികൂടി ലേലം ചെയ്യാനും യോഗത്തിൽ തീരുമാനിച്ചിട്ടുണ്ട്. വരന്തരപ്പിള്ളി പഞ്ചായത്ത് പ്രസിഡന്റ് അജിത സുധാകരൻ, പഞ്ചായത്തംഗം അഷറഫ് ചാലിയത്തൊടി എന്നിവർ പങ്കെടുത്തു. എന്നാൽ പഞ്ചായത്തിൽ വാക്സിൻ ദൗർലഭ്യം വലിയ പ്രതിസന്ധിയുണ്ടാക്കുന്നുണ്ട്.
കുന്നംകുളം: പെൺകുട്ടികൾക്ക് ധൈര്യവും ആത്മവിശ്വാസവും വളർത്താൻ വനിതാ ശിശു വികസന വകുപ്പ് നടപ്പിലാക്കുന്ന ധീര പദ്ധതിക്ക് പുന്നയൂർക്കുളം പഞ്ചായത്തിൽ എൻ.കെ.അക്ബർ എം.എൽ.എ. ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജാസ്മിൻ ഷെഹീർ അദ്ധ്യക്ഷത വഹിച്ചു. പെൺകുട്ടികൾക്ക് സ്വയരക്ഷയ്ക്കായി ആയോധന കലകളിൽ പരിശീലനം നൽകുന്നതാണ് പദ്ധതി. കളരിപ്പയറ്റിലാണ് പുന്നയൂർക്കുളത്ത് പരിശീലനം. ശനി, ഞായർ ദിവസങ്ങളിൽ രണ്ട് മണിക്കൂർ ദൈർഘ്യമുള്ള ക്ലാസുകളുണ്ടാകും. ചാവക്കാട്, കൊടുങ്ങല്ലൂർ, അതിരപ്പിള്ളി പഞ്ചായത്തുകളിലാണ് പദ്ധതി ആദ്യഘട്ടത്തിൽ നടപ്പാക്കുന്നത്. 10 മുതൽ 15 വയസ് വരെയുള്ള 30 പെൺകുട്ടികളെ … Read more