വടക്കാഞ്ചേരി: വടക്കാഞ്ചേരി സെൻട്രൽ ലയൺസ് ക്ലബ്ബിന്റെ നേതൃത്വത്തിൽ നടന്നു വരുന്ന ജലായനം നീന്തൽ പരിശീലനം ഏഴാംഘട്ടത്തിലേക്ക് കടന്നു. കുട്ടികളും വിട്ടമ്മമാരുമടക്കം നിരവധിപേർ ഇതിനകം നീന്തൽ പരിശീലനം നേടിക്കഴിഞ്ഞു. ജില്ലാ അക്വാറ്റിക് അസോസിയേഷൻ സെക്രട്ടറി ജയപ്രകാശിന്റെ നേതൃത്വത്തിൽ ശാസ്ത്രീയമായ രീതിയിലാണ് പരിശീലനം നടക്കുന്നത്. ജലായനത്തിന്റെ വിജയത്തിന് വടക്കാഞ്ചേരി നഗരസഭയുടെ സഹകരണത്തിന് ലയൺസ് ക്ലബ് നന്ദി അറിയിച്ചു.
കുന്നംകുളം: സ്വകാര്യ പണമിടപാട് സ്ഥാപനത്തിലെ ജീവനക്കാര് വീട്ടില് കയറി ആക്രമിച്ചതായി പരാതി. ആനായ്ക്കല് സ്വദേശികളായ പൂഴിക്കുന്നത്ത് വീട്ടില് ബവീഷ് (33), ചൂണ്ടുപുരക്കല് നന്ദകുമാര് (26) എന്നിവര്ക്കാണ് പരിക്കേറ്റത്. കഴിഞ്ഞദിവസം വൈകീട്ട് അഞ്ചിന് ബവീഷിന്റെ സുഹൃത്തും അയല്വാസിയുമായ സുബിലിന്റെ വീട്ടിലേക്കാണ് സ്വകാര്യ പണമിടപാട് സ്ഥാപനത്തിലെ ജീവനക്കാര് പണം ആവശ്യപ്പെട്ടെത്തിയത്. എന്നാല്, ഈ സമയത്ത് സുബിലിന്റെ സഹോദരി മാത്രമാണ് വീട്ടിലുണ്ടായിരുന്നത്. ജീവനക്കാര് വീടിനുള്ളിലേക്ക് അതിക്രമിച്ചുകയറുകയും പെണ്കുട്ടിയോട് മോശമായി പെരുമാറുകയും ചെയ്തതോടെ സുബിലിന്റെ നിർദേശപ്രകാരം അയല്വാസിയായ ബവീഷ് വീട്ടിലെത്തുകയായിരുന്നു. പെണ്കുട്ടികള് മാത്രമുള്ള … Read more
കൊടുങ്ങല്ലൂർ: വാഹന പരിശോധനക്കിടയിൽ മയക്കുമരുന്നായ എം.ഡി.എം.എയുമായി യുവാവ് പിടിയിൽ. എടവിലങ്ങ് കാര പറാശ്ശേരി രമേഷിനാണ് (20) കൊടുങ്ങല്ലൂർ സർക്കിൾ ഇൻസ്പെക്ടർ ഇ.ആർ. ബൈജുവിന്റെ നേതൃത്വത്തിലുള്ള പൊലീസ് സംഘത്തിന്റെ പിടിയിലായത്. ഞായറാഴ്ച വൈകീട്ടായിരുന്നു സംഭവം. ഹെൽമെറ്റ് വെക്കാതെ ഇരുചക്ര വാഹനം ഓടിച്ചുവന്ന രമേഷിനെ പൊലീസ് തടയുകയായിരുന്നു.വാഹനത്തിന്റെ രേഖകൾ പരിശോധിക്കുന്നതിനിടെ പരിഭ്രാന്തനായി കാണപ്പെട്ടതാണ് സംശയത്തിനും കൂടുതൽ പരിശോധനക്കും ഇടയാക്കിയത്. തുടർന്ന് ഇയാളുടെ കൈവശമുണ്ടായിരുന്ന ബാഗ് പരിശോധിച്ചപ്പോഴാണ് മയക്കുമരുന്ന് കണ്ടെത്തിയത്. പ്രതിയെ ഇന്ന് കോടതിയിൽ ഹാജരാക്കും.
വഞ്ചിപ്പുരയിൽ കടലിൽ കാണാതായ ഇതര സംസ്ഥാന തൊഴിലാളികളുടെ മൃതദേഹങ്ങൾ കരയ്ക്കടിഞ്ഞു. ബിഹാർ ബനിയപ്പൂർ സ്വദേശികളായ മുഹമ്മദ് സായിദ് (16), മുഹമ്മദ് മുംതാജ് (23) എന്നിവരുടെ മൃതദേഹങ്ങളാണ് കരയ്ക്കടിഞ്ഞത്. സായിദിൻ്റെ മൃതദേഹം ഞായറാഴ്ച രാത്രി 10 മണിയോടെയും, മുംതാജിൻ്റെ മൃതദേഹം തിങ്കളാഴ്ച രാവിലെ ഏഴ് മണിയോടെയുമാണ് വഞ്ചിപ്പുര ബീച്ചിൽ കരയ്ക്കടിഞ്ഞത്. മൃതദേഹങ്ങൾ കൊടുങ്ങല്ലൂർ താലൂക്ക് ആശുപത്രി മോർച്ചറിയിലേക്ക് മാറ്റി. ഞായറാഴ്ച വൈകീട്ട് അഞ്ചേകാലോടെയാണ് അഞ്ച് പേരടങ്ങുന്ന സംഘം കടലിൽ കുളിക്കാനിറങ്ങിയത്. കുളിക്കുന്നതിനിടെ അഞ്ച് പേരും തിരയിൽപ്പെടുകയായിരുന്നു. കരയിലുണ്ടായിരുന്ന മത്സ്യത്തൊഴിലാളികൾ … Read more
ചേലക്കര: വീടുകളിലെത്തി ഇലക്ട്രോണിക്സ് ഉൽപന്നങ്ങൾ വിൽക്കുന്നയാൾ പീഡന കേസിൽ അറസ്റ്റിൽ.വടക്കാഞ്ചേരി ആലിക്കൽപീടികയിൽ ഇബ്രാഹിം (63) ആണ് അറസ്റ്റിലായത്. ചേലക്കര സ്വദേശിയുടെ പരാതിയെത്തുടർന്നാണ് സി.ഐ ഇ. ബാലകൃഷ്ണൻ പ്രതിയെ അറസ്റ്റ് ചെയ്തത്. കച്ചവടത്തിനായി വീടുകളിലെത്തി സ്ത്രീകളുമായി സൗഹൃദം സ്ഥാപിച്ച് പീഡനത്തിനിരയാക്കുന്നതാണ് ഇയാളുടെ രീതി.