ഓലത്തുമ്പത്തിരുന്നൂയലാടും…
കൊടകര: വിരിപ്പുകൃഷിയിറക്കിയ പാടശേഖരങ്ങളില് നെല്ച്ചെടികള് കതിരിടാന് തുടങ്ങിയതോടെ പാടങ്ങളുടെ ഓരത്തുള്ള തെങ്ങിന്തലപ്പുകളില് ചേക്കേറുകയാണ് ആയിരക്കണക്കിന് ആറ്റക്കിളികള്. ഒരുകാലത്ത് മലയോരത്തെ നെല്പ്പാടങ്ങളിലെമ്പാടും കാണപ്പെട്ടിരുന്ന ആറ്റക്കിളികള് ഇപ്പോള് അപൂര്വം പാടശേഖരങ്ങളില് മാത്രമാണ് ഉള്ളത്. ശാന്തമായ അന്തരീക്ഷമുള്ള പാടങ്ങളാണ് ഇവയുടെ വാസകേന്ദ്രങ്ങള്. മനുഷ്യസാന്നിധ്യം കുറഞ്ഞ വയലോരത്തെ തെങ്ങിന് തലപ്പുകളും ഉയരമേറിയ വൃക്ഷ ശിഖരങ്ങളുമാണ് ഇവ കൂടൊരുക്കുന്നത്. കൊടകര, മറ്റത്തൂര് പഞ്ചായത്തുകളുടെ അതിര്ത്തിയിലുള്ള ചാറ്റിലാംപാടത്തെ തെങ്ങുകളില് നൂറുകണക്കിനു കുരുവികളാണ് കൂടൊരുക്കിയിട്ടുള്ളത്. മൂന്നുവശവും കുന്നുകളാല് ചുറ്റപ്പെട്ട് ഈ പാടശേഖരത്തില് പാറിക്കളിക്കുന്ന ആറ്റക്കുരുവികള് മനോഹര കാഴ്ചയാണ്. … Read more