കൊടകര: നിരവധി ക്രിമിനല് കേസുകളില് പ്രതിയായ യുവാവിനെ കാപ്പ നിയമപ്രകാരം അറസ്റ്റ് ചെയ്ത് ജില്ലയിൽനിന്ന് നാടുകടത്തി. കുറ്റിച്ചിറ കൂര്ക്കമറ്റം പള്ളത്തേരി വീട്ടില് മനുവിനെയാണ് (30) തൃശൂര് റേഞ്ച് ഡി.ഐ.ജി പുട്ട വിമലാദിത്യയുടെ ഉത്തരവ് പ്രകാരം നാടുകടത്തിയത്. വെള്ളികുളങ്ങര സ്റ്റേഷനില് നാല് ക്രിമിനല് കേസുകളിലും ചാലക്കുടി സ്റ്റേഷനില് ഒരു ക്രിമിനല് കേസിലും പ്രതിയാണ് ഇയാളെന്ന് പൊലീസ് അറിയിച്ചു.
അപേക്ഷ ക്ഷണിച്ചു തൃശൂർ ∙ വിമല കോളജിലെ വിവിധ ഗവേഷണ പഠന വിഭാഗങ്ങളിലേക്കുള്ള രണ്ടാംഘട്ട പ്രവേശനത്തിന് അപേക്ഷ ക്ഷണിച്ചു. അവസാന തീയതി 19. www.vimalacollege.edu.in.
താൽക്കാലിക നിയമനം തൃശൂർ ∙ ജില്ലയിൽ ആരോഗ്യ വകുപ്പിൽ (അലോപ്പതി) മെഡിക്കൽ ഓഫിസർ തസ്തികയിൽ താൽക്കാലിക നിയമനത്തിന് 20നു 10.30നു ജില്ലാ മെഡിക്കൽ ഓഫിസിൽ (ആരോഗ്യം) അഭിമുഖം നടത്തും. ടിസിഎംസി റജിസ്ട്രേഷൻ സർട്ടിഫിക്കറ്റ്, പ്രായം തെളിയിക്കുന്ന രേഖ, ആധാർ/ഇലക്ഷൻ ഐഡി കാർഡ് എന്നിവയുടെ പകർപ്പു സഹിതം 18ന് 5നു മുൻപ് അപേക്ഷ സമർപ്പിക്കണം.
സൈക്ലിങ് തൃശൂർ ∙ ജില്ലാ സൈക്ലിങ് അസോസിയേഷന്റെ ജില്ലാ മൗണ്ടൻ സൈക്ലിങ് ട്രയൽസ് നാളെ തിരൂർ ശങ്കരൻചിറ അൽഫോൻസ പള്ളിക്കു സമീപം നടത്തും. അണ്ടർ–14, 16, 18 വിഭാഗങ്ങളിലും 18 മുതൽ 35 വയസ്സു വരെ ആൺ–പെൺ വിഭാഗത്തിലും അണ്ടർ–23 വിഭാഗത്തിൽ ആൺകുട്ടികൾക്കു മാത്രമായും സെലക്ഷൻ നടക്കും. 9895012013.
ക്വിസ് മത്സരം തൃശൂർ ∙ ലോക ഭക്ഷ്യദിനത്തോടനുബന്ധിച്ചു നാളെ 11നു അസോസിയേഷൻ ഓഫ് ഫുഡ് സയന്റിസ്റ്റ്സ് ആൻഡ് ടെക്നോളജിസ്റ്റ്സ് (ഇന്ത്യ) തൃശൂർ ചാപ്റ്റർ ഹൈസ്കൂൾ വിദ്യാർഥികൾക്ക് ക്വിസ് മത്സരം നടത്തും. ‘ഫുഡ് ആൻഡ് ന്യൂട്രീഷൻ’ എന്ന വിഷയത്തിൽ മണ്ണുത്തി ഡയറി സയൻസ് കോളജിലാണു മത്സരം. 9526862274.