ചാ​ല​ക്കു​ടി: പു​ലി​യെ പി​ടി​കൂ​ടാ​ൻ വ​ന​പാ​ല​ക​ർ ചാ​ല​ക്കു​ടി​യി​ൽ കെ​ണി​യൊ​രു​ക്കി. പു​ലി സാ​ന്നി​ധ്യം സ്ഥി​രീ​ക​രി​ച്ച ക​ണ്ണ​മ്പു​ഴ ഭ​ഗ​വ​തി ക്ഷേ​ത്ര​ത്തി​ന്റെ വെ​ടി​ക്കെ​ട്ട് ന​ട​ക്കാ​റു​ള്ള ആ​ൾ​പ്പെ​രു​മാ​റ്റം കു​റ​ഞ്ഞ പ​റ​മ്പി​ലാ​ണ് കൂ​ട് സ്ഥാ​പി​ച്ച​ത്. ഇ​വി​ടെ പു​ലി​യു​ടെ കാ​ൽ​പ്പാ​ടു​ക​ൾ ധാ​രാ​ള​മാ​യി പ​തി​ഞ്ഞി​ട്ടു​ണ്ട്. ചാ​ല​ക്കു​ടി​പ്പു​ഴ​യോ​ട് ചേ​ർ​ന്ന പ്ര​ദേ​ശ​മാ​ണി​ത്.

പു​ഴ​യോ​ര​ത്തെ കാ​ടു​പി​ടി​ച്ച പ്ര​ദേ​ശ​ത്ത് പു​ലി​ക്ക് താ​വ​ള​മാ​ക്കാ​ൻ വേ​ണ്ട​ത്ര ഇ​ട​ങ്ങ​ളു​ണ്ട്. കൊ​ര​ട്ടി​യി​ൽ​നി​ന്നാ​ണ് പു​ലി എ​ത്തി​യ​തെ​ങ്കി​ൽ ചാ​ല​ക്കു​ടി​പ്പു​ഴ​യി​ലൂ​ടെ ഈ ​ഭാ​ഗ​ത്ത് കൂ​ടി​യാ​വാം വ​ന്ന​തെ​ന്ന് ക​രു​തു​ന്നു. ക​ണ്ണ​മ്പു​ഴ ക്ഷേ​ത്രം റോ​ഡി​ലൂ​ടെ 100 മീ​റ്റ​റോ​ളം ന​ട​ന്നാ​ൽ പു​ലി കാ​മ​റ​യി​ൽ പ​തി​ഞ്ഞ രാ​മ നാ​രാ​യ​ണ​ന്റെ വീ​ട് കാ​ണാം.

ക​ണ്ണ​മ്പു​ഴ ക്ഷേ​ത്ര​ത്തി​ന് സ​മീ​പ​ത്തെ ഈ ​പ​റ​മ്പി​ൽ സ്ഥാ​പി​ച്ചാ​ൽ പു​ലി കു​ടു​ങ്ങാ​നി​ട​യു​ണ്ടെ​ന്നാ​ണ് ക​രു​തു​ന്ന​ത്. വ്യാ​ഴാ​ഴ്ച വൈ​കീ​ട്ട് ചാ​ല​ക്കു​ടി സി.​എ​ഫ്.​ഒ വെ​ങ്കി​ടേ​ശി​ന്‍റെ​യും റേ​ഞ്ച് ഓ​ഫി​സ​ർ ആ​ൽ​ബി​ന്‍റെ​യും നേ​തൃ​ത്വ​ത്തി​ലാ​ണ് കൂ​ട് സ്ഥാ​പി​ച്ച​ത്. ആ​ർ.​ആ​ർ.​ടി സം​ഘ​വും, വ​നം​വ​കു​പ്പ് ഉ​ദ്യോ​ഗ​സ്ഥ​രും എ​ത്തി​യി​രു​ന്നു. സ​നീ​ഷ് കു​മാ​ർ ജോ​സ​ഫ് എം.​എ​ൽ.​എ, ന​ഗ​ര​സ​ഭ ചെ​യ​ർ​മാ​ൻ ഷി​ബു വാ​ല​പ്പ​ൻ, വൈ​സ് ചെ​യ​ർ​പേ​ഴ്സ​ൻ സി. ​ശ്രീ​ദേ​വി, ന​ഗ​ര​സ​ഭ അം​ഗ​ങ്ങ​ളാ​യ വി.​ഒ. പൈ​ല​പ്പ​ൻ, വി.​ജെ. ജോ​ജി തു​ട​ങ്ങി​യ​വ​ർ സ്ഥ​ല​ത്തെ​ത്തി​യി​രു​ന്നു.

പു​ലി​ഭീ​തി​യെ തു​ട​ർ​ന്ന് കൊ​ര​ട്ടി​യി​ൽ മാ​ർ​ക്ക​റ്റി​ന് പി​ൻ​വ​ശ​ത്ത് സ്ഥാ​പി​ച്ച കൂ​ട് ചാ​ല​ക്കു​ടി​യി​ലേ​ക്ക് കൊ​ണ്ടു​വ​രി​ക​യാ​യി​രു​ന്നു. ആ​ടി​നെ​യാ​ണ് ഇ​വി​ടെ​യും ഇ​ര​യാ​യി വ​ച്ചി​ട്ടു​ള്ള​ത്. അ​വി​ടു​ത്തെ കൂ​ട് ചാ​ല​ക്കു​ടി​യി​ൽ കൊ​ണ്ടു​പോ​യ​തി​നെ തു​ട​ർ​ന്ന് കൊ​ര​ട്ടി​യി​ൽ നാ​ട്ടു​കാ​ർ​ക്ക് ചെ​റി​യ പ്ര​തി​ഷേ​ധ​മു​ണ്ട്.