ചാ​വ​ക്കാ​ട്: ചാ​വ​ക്കാ​ട് ന​ഗ​ര​സ​ഭ​യു​ടെ സ​ഞ്ച​രി​ക്കു​ന്ന മ​ല​മൂ​ത്ര വി​സ​ർ​ജ​ന സം​സ്ക​ര​ണ പ്ലാ​ന്റ് പ്ര​വ​ർ​ത്ത​ന സ​ജ്ജ​മാ​യി. ന​ഗ​ര​സ​ഭ​യു​ടെ 2024-‘25 വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി 45.5 ല​ക്ഷം രൂ​പ ചി​ല​വി​ൽ വാ​ങ്ങി​യ മൊ​ബൈ​ൽ ഫീ​ക്ക​ൽ സ്ല​ഡ്ജ് ട്രീ​റ്റ്മെ​ന്റ് പ്ലാ​ന്റി​ന്റെ (എ​ഫ്.​എ​സ്.​ടി.​പി) സേ​വ​നം അ​ടു​ത്ത മാ​സം മു​ത​ൽ ല​ഭ്യ​മാ​കും. വീ​ടു​ക​ളി​ൽ​നി​ന്നു​ള്ള ക​ക്കൂ​സ് മാ​ലി​ന്യം (3000 ലി​റ്റ​ർ) മൂ​ന്നു മ​ണി​ക്കൂ​ർ കൊ​ണ്ട് സം​സ്ക​രി​ക്കാ​ൻ വാ​ഹ​ന​ത്തി​ലെ ട്രീ​റ്റ്മെ​ന്റ് യൂ​നി​റ്റി​ന് ക​ഴി​യും.

വാ​ഹ​ന​ത്തി​ലെ ട്രീ​റ്റ്മെ​ന്റ് പ്ലാ​ന്റ് വ​ഴി സം​സ്ക​രി​ച്ച മാ​ലി​ന്യ​ത്തി​ൽ​നി​ന്ന് ല​ഭി​ക്കു​ന്ന സ്ല​ഡ്ജ് ക​മ്പ​നി കൊ​ണ്ടു​പോ​കു​ക​യും വെ​ള്ളം അ​വി​ടെ​ത്ത​ന്നെ ജ​ല​സേ​ച​ന ആ​വ​ശ്യ​ങ്ങ​ൾ​ക്കാ​യി ഉ​പ​യോ​ഗി​ക്കു​ക​യും ചെ​യ്യും. 120 മീ​റ്റ​ർ അ​ക​ലെ നി​ന്ന് വ​രെ പ്ലാ​ന്റ് പ്ര​വ​ർ​ത്തി​പ്പി​ക്കാ​ൻ ക​ഴി​യും. കു​റ​ഞ്ഞ ചെ​ല​വി​ൽ വീ​ടു​ക​ളി​ലും സ്ഥാ​പ​ന​ങ്ങ​ളി​ലും എ​ത്തി സെ​പ്റ്റി​ക് മാ​ലി​ന്യം നീ​ക്കം ചെ​യ്യാ​നു​ള്ള സൗ​ക​ര്യം ഇ​തി​ലൂ​ടെ ല​ഭ്യ​മാ​കും.

ന​ഗ​ര​സ​ഭ പ​രി​ധി​ക്കു​ള്ളി​ലെ വീ​ടു​ക​ൾ​ക്ക് 6,000 രൂ​പ​യും പു​റ​ത്തു​ള്ള​വ​ർ​ക്ക് 7,500 രൂ​പ​യു​മാ​ണ് സേ​വ​ന നി​ര​ക്ക്. ഹോ​ട്ട​ലു​ക​ൾ​ക്കും ലോ​ഡ്ജു​ക​ൾ​ക്കും (8000 ലി​റ്റ​ർ വ​രെ) ന​ഗ​ര​പ​രി​ധി​ക്കു​ള്ളി​ൽ 8,000 രൂ​പ​യും പു​റ​ത്ത് 10,000 രൂ​പ​യും ഈ​ടാ​ക്കും. ഫ്ലാ​റ്റു​ക​ൾ​ക്ക് (15,000 ലി​റ്റ​ർ വ​രെ) ന​ഗ​ര​പ​രി​ധി​ക്കു​ള്ളി​ൽ 20,000 രൂ​പ​യും പു​റ​ത്തു​ള്ള​വ​ർ​ക്ക് 25,000 രൂ​പ​യു​മാ​ണ് നി​ര​ക്ക്. ബി.​പി.​എ​ൽ ഗു​ണ​ഭോ​ക്താ​ക്ക​ൾ​ക്ക് 10 ശ​ത​മാ​നം ഇ​ള​വും അ​നു​വ​ദി​ച്ചി​ട്ടു​ണ്ട്.

ന​ഗ​ര​സ​ഭ പ​രി​ധി​യി​ലെ വീ​ടു​ക​ൾ​ക്ക് ആ​ദ്യ​ത്തെ ആ​റു​മാ​സം 5000 രൂ​പ നി​ര​ക്കി​ൽ സേ​വ​നം ല​ഭി​ക്കു​ന്ന​താ​ണ്. മൊ​ബൈ​ൽ ട്രീ​റ്റ്മെ​ന്റ് യൂ​നി​റ്റി​ന്റെ പ്ര​വ​ർ​ത്ത​ന​വും പ​രി​പാ​ല​ന​വും മൂ​ന്നു വ​ർ​ഷ​ത്തേ​ക്ക് തി​രു​വ​ന​ന്ത​പു​രം ആ​സ്ഥാ​ന​മാ​യി​ട്ടു​ള്ള ഭൗ​മ എ​ൻ​വ​യോ​ടെ​ക് ക​മ്പ​നി​ക്കാ​ണ് ന​ൽ​കി​യി​ട്ടു​ള്ള​ത്. റോ​ഡ​രി​കി​ലും ജ​ലാ​ശ​യ​ങ്ങ​ളി​ലും സെ​പ്റ്റി​ക് മാ​ലി​ന്യം ത​ള്ളു​ന്ന​തി​നു ഇ​തോ​ടെ അ​റു​തി​യാ​കു​മെ​ന്ന് ചാ​വ​ക്കാ​ട് ന​ഗ​ര​സ​ഭ ചെ​യ​ർ​പേ​ഴ്സ​ൻ ഷീ​ജ പ്ര​ശാ​ന്ത് പ​റ​ഞ്ഞു. സേ​വ​നം ല​ഭി​ക്കാ​ൻ 89431 98777 എ​ന്ന ന​മ്പ​റി​ൽ ബ​ന്ധ​പ്പെ​ടാം.