തൃ​ശൂ​ർ: ര​സ​ച്ച​ര​ട്​ മു​റി​ഞ്ഞ ക​ഴി​ഞ്ഞ വ​ർ​ഷ​ത്തെ പൂ​രം ഇ​നി മ​റ​ക്കാം. പ​ക​രം, ആ​സ്വാ​ദ​ക മ​ന​സ്സി​ൽ പ്ര​തി​ഷ്ഠി​ക്കാ​ൻ ഇ​താ കെ​ട്ടും മ​ട്ടും തി​ക​ഞ്ഞ ഒ​രു തൃ​ശൂ​ർ പൂ​രം കൂ​ടി. വ​ട​ക്കും​നാ​ഥ​ന് ചു​റ്റും ഒ​ത്തു​കൂ​ടി​യ​വ​രു​ടെ മ​നം നി​റ​ച്ചാ​ണ്​ ഇ​ത്ത​വ​ണ പൂ​രം ക​ലാ​ശ​ത്തി​ലേ​ക്ക്​ നീ​ങ്ങു​ന്ന​ത്.

രൗ​ദ്ര​ഭാ​വ​മി​ല്ലാ​തെ മേ​ട​വെ​യി​ൽ പൂ​ര​പ്രേ​മി​ക​ളെ അ​നു​ഗ്ര​ഹി​ച്ചു. വെ​യി​ലും ചൂ​ടും കാ​ഠി​ന്യം കു​റ​ച്ചു​പി​ടി​ച്ചു. പൂ​​ര​ന​ഗ​രി​യി​ലാ​വ​ട്ടെ ആ​സ്വാ​ദ​ക​രെ അ​ല​ട്ടു​ന്ന നി​യ​ന്ത്ര​ണ​ങ്ങ​ളൊ​ന്നും ഉ​ണ്ടാ​യ​തു​മി​ല്ല. പൂ​രം മാ​ത്ര​മു​ള്ള ന​ഗ​രി​യി​ൽ എ​ല്ലാ​വ​രും എ​ല്ലാ​യി​ട​ത്തു​മെ​ത്തി കാ​ഴ്ച​ക​ൾ ക​ണ്ട്​ സ​ന്തോ​ഷി​ച്ചു.

ര​ണ്ട്​ പ്ര​ധാ​ന പ​ങ്കാ​ളി​ക​ള​ട​ക്കം പ​ത്ത്​ പൂ​ര​ങ്ങ​ൾ പ​ല വീ​ഥി​ക​ളി​ലൂ​ടെ ന​ഗ​ര​ഹൃ​ദ​യ​ത്തി​ലെ​ത്തി​യ​​പ്പോ​ൾ ഓ​രോ​ന്നി​നു​മൊ​പ്പം വ​ന്ന പു​രു​ഷാ​രം ന​ഗ​ര​ത്തെ ആ​ൾ​ക്ക​ട​ലാ​ക്കി. അ​തി​നി​ട​യി​ലൂ​ടെ ആ​ന​യും മേ​ള​വും തീ​വെ​ട്ടി​യും തേ​ക്കി​ൻ​കാ​ട്​ മൈ​താ​നി​യു​ടെ പ്ര​ദ​ക്ഷി​ണ വ​ഴി​യി​ലൂ​ടെ വ​ട​ക്കും​നാ​ഥ​നി​ൽ ക​യ​റു​ന്ന​തും ഇ​റ​ങ്ങു​ന്ന​തും കാ​ണാ​ൻ കി​ഴ​ക്ക്, പ​ടി​ഞ്ഞാ​റ്, തെ​ക്ക്​ ഗോ​പു​ര വാ​തി​ലു​ക​ൾ​ക്കു​ പു​റ​ത്ത്​ പൂ​ര​ക്ക​മ്പ​ക്കാ​ർ ക്ഷീ​ണ​മ​റി​യാ​തെ കാ​ത്തു​നി​ന്നു.​

തി​രു​വ​മ്പാ​ടി​യു​ടെ മ​ഠ​ത്തി​ൽ​വ​ര​വ്​ പ​ഞ്ച​വാ​ദ്യ​വും പാ​റ​മേ​ക്കാ​വി​ന്‍റെ പൂ​രം പു​റ​പ്പാ​ടും ഇ​ല​ഞ്ഞി​ത്ത​റ മേ​ള​വും ആ​സ്വ​ദി​ക്കാ​ൻ മേ​ള​ക്ക​മ്പ​ക്കാ​ർ ഓ​രോ​യി​ട​ത്തും പാ​ഞ്ഞെ​ത്തി. തെ​ക്കേ ഗോ​പു​രം വ​ഴി പാ​റ​മേ​ക്കാ​വ്, തി​രു​വ​മ്പാ​ടി ഭ​ഗ​വ​തി​മാ​ർ പു​റ​ത്തി​റ​ങ്ങി മു​ഖാ​മു​ഖം​നി​ന്ന്​ കു​ട മാ​റി മ​ത്സ​രി​ക്കു​ന്ന​ത്​ കാ​ണാ​ൻ പൂ​ഴി​വീ​ഴാ​ത്ത​ത്ര ജ​നം. വി​സ്മ​യ​ങ്ങ​ളു​​ടെ കു​ട​ക​ൾ നി​വ​ർ​ന്നു​യ​രു​ന്ന​തും മാ​റി​വ​രു​ന്ന​തും ക​ണ്ട്​ ആ​ന​ന്ദ​വും ആ​ർ​പ്പു​വി​ളി​യും.

കു​ട​മാ​റ്റം ക​ഴി​ഞ്ഞ് ഭ​ഗ​വ​തി​മാ​ർ പി​ൻ​വാ​ങ്ങി​യ​തോ​​ടെ രാ​ത്രി​പൂ​ര​ങ്ങ​ളു​ടെ വ​ര​വ്​ തു​ട​ങ്ങി. തീ​വെ​ട്ടി​ച്ച​ന്ത​ത്തി​ൽ ആ​ന​ക​ളു​ടെ വ​ര​വും മേ​ള​ത്തി​ന്‍റെ അ​ക​മ്പ​ടി​യും ആ​സ്വ​ദി​ച്ച്​ ന​ഗ​രം വി​ടാ​തെ പി​ന്നെ​യും പ​തി​നാ​യി​ര​ങ്ങ​ൾ. ​പു​ല​ർ​ച്ചെ വെ​ടി​ക്കെ​ട്ടും പി​ന്ന​ത്തെ പ​ക​ൽ​പ്പൂ​ര​വും ഉ​പ​ചാ​രം​ചൊ​ല്ല​ലും ആ​സ്വ​ദി​ക്കാ​ൻ അ​വ​ർ പൂ​ര​ന​ഗ​രി​യി​ൽ ത​ങ്ങി​യ​ത്​ ഒ​രു​ത​വ​ണ കൂ​ടി പൂ​ര​സ്മൃ​തി നെ​ഞ്ചേ​റ്റാ​നാ​ണ്.

താളനിബദ്ധം, വർണശബളം; പാറമേക്കാവ്​ പൂരം പുറപ്പാട്​

തൃ​ശൂ​ർ: വ​ർ​ണ​ങ്ങ​ളി​ലാ​റാ​ടി മേ​ള​ത്തി​ന്‍റെ ഗാം​ഭീ​ര്യം നി​റ​ഞ്ഞ്​ പാ​റ​മേ​ക്കാ​വി​ല​മ്മ​യു​ടെ പൂ​രം പു​റ​പ്പാ​ട്. പ​തി​ന​ഞ്ചാ​ന​ക​ളു​ടെ അ​ക​മ്പ​ടി​യോ​ടെ ഗു​രു​വാ​യൂ​ർ ന​ന്ദ​ന്‍റെ പു​റ​ത്തേ​റി ഭ​ഗ​വ​തി പു​റ​ത്തേ​ക്ക് എ​ഴു​ന്ന​ള്ളി​യ​പ്പോ​ൾ ചെ​മ്പ​ട മേ​ളം കൊ​ട്ടി​യു​യ​ർ​ന്നു. വി​ശ്വ​പ്ര​സി​ദ്ധ​മാ​യ ഇ​ല​ഞ്ഞി​ത്ത​റ മേ​ള​ത്തി​നു​ള്ള പു​റ​പ്പാ​ട് കാ​ണാ​ൻ ന​ട്ടു​ച്ച​വെ​യി​ൽ കൂ​സാ​തെ പ​തി​നാ​യി​ര​ങ്ങ​ൾ പാ​റ​​മേ​ക്കാ​വി​ന്​ മു​ന്നി​ൽ ഏ​റെ നേ​ര​ത്തെ നി​ല​യു​റ​പ്പി​ച്ചി​രു​ന്നു.

ചെ​മ്പ​ട ക​ലാ​ശി​ച്ച് പാ​ണ്ടി​യു​ടെ കോ​ൽ ​കൊ​ലു​മ്പി​യ​പ്പോ​ൾ നേ​രം ഉ​ച്ചി​യി​ലെ​ത്തി. കി​ഴ​ക്കൂ​ട്ട്​ അ​നി​യ​ൻ മാ​രാ​രു​ടെ പ്ര​മാ​ണി​ത്വ​ത്തി​ൽ മേ​ളം കാ​ലം ക​ലാ​ശി​ച്ച​തോ​ടെ നി​ര​വ​ധി സെ​റ്റ് കു​ട​ക​ൾ മാ​റി ഉ​യ​ർ​ന്നു. വ​ട​ക്കും​നാ​ഥ​ന്‍റെ കി​ഴ​ക്കേ ഗോ​പു​രം ക​ട​ന്ന് ഭ​ഗ​വ​തി മ​തി​ല​ക​ത്ത്​ ക​യ​റി പ്ര​ദ​ക്ഷി​ണം വെ​ച്ച്​ ഇ​ല​ഞ്ഞി​ച്ചോ​ട്ടി​ൽ എ​ത്തി​​യ​തോ​ടെ തൃ​ശൂ​ർ പൂ​ര​ത്തി​ന്‍റെ ‘മാ​സ്റ്റ​ർ പീ​സ്​’ എ​ന്ന വി​ശേ​ഷ​ണ​മു​ള്ള അ​തു​ല്യ സിം​ഫ​ണി​യാ​യ ഇ​ല​ഞ്ഞി​ത്ത​റ മേ​ള​ത്തി​ന്​ തു​ട​ക്ക​മാ​യി.