ചെ​റു​തു​രു​ത്തി: കാ​ട്ടാ​ന​ശ​ല്യ​ത്തെ തു​ട​ർ​ന്ന് പൊ​റു​തി​മു​ട്ടി മു​ള്ളൂ​ർ​ക്ക​ര പ​ഞ്ചാ​യ​ത്തി​ലെ വാ​ഴ​ക്കോ​ട് നി​വാ​സി​ക​ൾ. ജ​ന​വാ​സ മേ​ഖ​ല​യി​ൽ കാ​ട്ടാ​ന​യി​റ​ങ്ങി തെ​ങ്ങ്, വാ​ഴ ഉ​ൾ​പ്പെ​ടെ കൃ​ഷി​ക​ൾ ന​ശി​പ്പി​ച്ചു. വാ​ർ​ഡ് ഒ​മ്പ​ത് വ​ള​വ് കോ​ക്കൂ​രി​ക്കു​ണ്ട്, വാ​ഴ​ക്കോ​ട് ഇ​ന്ദി​രാ​ജി ന​ഗ​ർ തു​ട​ങ്ങി​യ മേ​ഖ​ല​ക​ളി​ലാ​ണ് തി​ങ്ക​ളാ​ഴ്ച പു​ല​ർ​ച്ചെ കാ​ട്ടാ​ന​യി​റ​ങ്ങി​യ​ത്. വാ​ഴ, തെ​ങ്ങ്, പ​ന, മാ​വ്, പ്ലാ​വ് ഉ​ൾ​പ്പെ​ടെ​യു​ള്ള​വ കു​ത്തി മു​റി​ച്ച് ന​ശി​പ്പി​ച്ചി​ട്ടു​ണ്ട്.

കോ​ക്കൂ​രി​കൊ​ണ്ട് ച​രു​വി​ൽ വീ​ട്ടി​ൽ സു​മ​തി​യു​ടെ വീ​ടി​ന് 50 മീ​റ്റ​ർ അ​ക​ലെ വ​രെ കാ​ട്ടാ​ന വ​ന്നു. തി​ങ്ക​ളാ​ഴ്ച നാ​ലു​മ​ണി​യോ​ടെ​യാ​ണ് സം​ഭ​വം. ശ​ബ്ദം കേ​ട്ട് വീ​ട്ടു​കാ​ർ ടോ​ർ​ച്ച് അ​ടി​ച്ചു നോ​ക്കി​യ​പ്പോ​ഴാ​ണ് കാ​ട്ടാ​ന​യെ ക​ണ്ട​ത്. പ​രി​ഭ്രാ​ന്തി​യി​ലാ​യ വീ​ട്ടു​കാ​ർ ഉ​ട​ൻ അ​ധി​കൃ​ത​രെ വി​വ​രം അ​റി​യി​ക്കു​ക​യാ​യി​രു​ന്നു. കാ​ട്ടാ​ന ശ​ല്യ​ത്തി​ന് അ​റു​തി വ​രു​ത്താ​ൻ ഉ​ട​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് സു​മ​തി ആ​വ​ശ്യ​പ്പെ​ട്ടു.