ട്രാംവെ മ്യൂസിയം: നവീകരിച്ച കെട്ടിടങ്ങൾ കാടുകയറുന്നു

ചാ​ല​ക്കു​ടി: ട്രാം​വെ ച​രി​ത്ര പൈ​തൃ​ക മ്യൂ​സി​യ​ത്തി​നാ​യി ല​ക്ഷ​ങ്ങ​ൾ ചെ​ല​വ​ഴി​ച്ച് ന​വീ​ക​രി​ച്ച കെ​ട്ടി​ട​ങ്ങ​ൾ കാ​ടു​ക​യ​റു​ന്നു. ചാ​ല​ക്കു​ടി റെ​യി​ൽ​വേ സ്റ്റേ​ഷ​ൻ റോ​ഡി​ൽ ചാ​ല​ക്കു​ടി ഐ.​ടി.​ഐ​ക്ക്​ സ​മീ​പ​ത്തെ പി.​ഡ​ബ്ല്യു.​ഡി മെ​ക്കാ​നി​ക്ക​ൽ എ​ൻ​ജി​നീ​യ​റി​ങ് വ​ർ​ക്ക് ഷോ​പ്പി​നോ​ട് ചേ​ർ​ന്നാ​ണ് ട്രാം​വെ മ്യൂ​സി​യം ആ​രം​ഭി​ക്കു​ന്ന​ത്.

അ​തി​നാ​യി നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള മൂ​ന്ന് കെ​ട്ടി​ട​ങ്ങ​ൾ ആ​ർ​ക്കി​യോ​ള​ജി​ക്ക​ൽ വ​കു​പ്പി​ന്റെ നേ​തൃ​ത്വ​ത്തി​ൽ സ​മീ​പ​കാ​ല​ത്ത് ന​വീ​ക​രി​ച്ചി​രു​ന്നു. ട്രാം​വെ​യു​ടെ കാ​ല​ത്ത് വാ​ഗ​ണു​ക​ൾ അ​റ്റ​കു​റ്റ​പ്പ​ണി ന​ട​ത്തു​ന്ന വ​ർ​ക്ക് ഷോ​പ്പു​ക​ളാ​യി​രു​ന്നു ഇ​വ. 1963ൽ ​ട്രാം​വെ നി​ർ​ത്ത​ലാ​ക്കി​യ​പ്പോ​ൾ ബാ​ക്കി​യാ​യ അ​തു​മാ​യി ബ​ന്ധ​പ്പെ​ട്ട വ​സ്തു​വ​ക​ക​ൾ ഇ​തി​നു​ള്ളി​ലു​ണ്ട്.

സ​നീ​ഷ് കു​മാ​ർ ജോ​സ​ഫ് എം.​എ​ൽ.​എ ആ​ണ് ന​വീ​ക​രി​ച്ച കെ​ട്ടി​ട​ങ്ങ​ൾ ഉ​ദ്ഘാ​ട​നം ചെ​യ്ത​ത്. എ​ന്നാ​ൽ, ഉ​ദ്ഘാ​ട​ന ശേ​ഷം ബ​ന്ധ​പ്പെ​ട്ട​വ​ർ തി​രി​ഞ്ഞു​നോ​ക്കി​യി​ല്ല. അ​തോ​ടെ കെ​ട്ടി​ട​വും പ​റ​മ്പും പ​ഴ​യ​തു​പോ​ലെ കാ​ടു​മൂ​ടി​ക്കി​ട​ക്കു​ന്ന അ​വ​സ്ഥ​യി​ലാ​ണ്. ച​രി​ത്ര​ത്തി​ന്റെ ഈ ​തി​രു​ശേ​ഷി​പ്പു​ക​ൾ ഭാ​വി ത​ല​മു​റ​ക്കാ​യി സം​ര​ക്ഷി​ക്ക​ണ​മെ​ന്ന ല​ക്ഷ്യ​ത്തോ​ടെ​യാ​ണ് ട്രാം​വെ മ്യൂ​സി​യം നി​ർ​മി​ക്കു​ന്ന​ത്.

മു​ൻ എം.​എ​ൽ.​എ ബി.​ഡി. ദേ​വ​സ്സി​യു​ടെ ശ്ര​മ​ഫ​ല​മാ​യാ​ണ് കെ​ട്ടി​ട​ങ്ങ​ൾ അ​ട​ക്കം 50 സെ​ന്റ് സ്ഥ​ലം മ്യൂ​സി​യം നി​ർ​മാ​ണ​ത്തി​ന് സ​ർ​ക്കാ​ർ അ​നു​വ​ദി​ച്ച​ത്. 2021ൽ ​അ​ന്ന​ത്തെ പു​രാ​വ​സ്തു, പു​രാ​രേ​ഖ മ്യൂ​സി​യം മ​ന്ത്രി ക​ട​ന്ന​പ്പി​ള്ളി രാ​മ​ച​ന്ദ്ര​ൻ നി​ർ​മാ​ണോ​ദ്ഘാ​ട​നം ന​ട​ത്തു​ക​യും ചെ​യ്തു.