ചാ​വ​ക്കാ​ട്: മ​ഹി​ള കോ​ൺ​ഗ്ര​സ് നേ​താ​വ് വ്യാ​ജ ഒ​പ്പി​ട്ട് ബാ​ങ്കി​ൽ​നി​ന്ന് പ​ണം തി​രി​മ​റി ചെ​യ്തെ​ന്ന പ​രാ​തി​യി​ൽ പൊ​ലീ​സ് കേ​സെ​ടു​ത്തു. മ​ഹി​ള കോ​ൺ​ഗ്ര​സ് ജി​ല്ല സെ​ക്ര​ട്ട​റി സു​ബൈ​ദ പാ​ല​ക്ക​ലി​നെ​തി​രെ​യാ​ണ് ചാ​വ​ക്കാ​ട് പൊ​ലീ​സ് കേ​സെ​ടു​ത്ത​ത്. എ​ട​ക്ക​ഴി​യൂ​ർ മ​ത്സ്യ​തൊ​ഴി​ലാ​ളി വി​ക​സ​ന ക്ഷേ​മ സ​ഹ​ക​ര​ണ സം​ഘ​ത്തി​ന്റെ പ​ണം പ്ര​സി​ഡ​ൻ​റ് കൂ​ടി​യാ​യ സു​ബൈ​ദ തി​രി​മ​റി ചെ​യ്ത​താ​യാ​ണ് പ​രാ​തി. സം​ഘം സെ​ക്ര​ട്ട​റി​യും മ​ഹി​ള കോ​ൺ​ഗ്ര​സ് നേ​താ​വു​മാ​യ ആ​രി​ഫ ഫാ​റൂ​ഖി​ന്റെ പ​രാ​തി​യി​ലാ​ണ് കേ​സ്.

സം​ഘ​ത്തി​ന്റെ പ​ണ​മി​ട​പാ​ടു​ക​ൾ​ക്ക് വേ​ണ്ടി കേ​ര​ള ബാ​ങ്ക് എ​ട​ക്ക​ഴി​യൂ​ർ ശാ​ഖ​യി​ൽ പ്ര​സി​ഡ​ന്റ്, സെ​ക്ര​ട്ട​റി എ​ന്നി​വ​രു​ടെ പേ​രി​ൽ ആ​രം​ഭി​ച്ച ജോ​യ​ന്റ് അ​ക്കൗ​ണ്ടി​ൽ​നി​ന്ന് സെ​ക്ര​ട്ട​റി അ​റി​യാ​തെ ചെ​ക്കി​ൽ വ്യാ​ജ ഒ​പ്പി​ട്ട് പ്ര​സി​ഡ​ന്റ് പ​ണ​മി​ട​പാ​ട് ന​ട​ത്തി​യെ​ന്നാ​ണ് പ​രാ​തി.

ഈ ​രീ​തി​യി​ൽ മു​മ്പും സെ​ക്ര​ട്ട​റി അ​റി​യാ​തെ പ​ണ​മി​ട​പാ​ട് ന​ട​ത്തി​യ​താ​യും ആ​രോ​പ​ണ​മു​ണ്ട്. എ​ട​ക്ക​ഴി​യൂ​രി​ൽ 2023 ജ​നു​വ​രി​യി​ലാ​ണ് സം​ഘം പ്ര​വ​ർ​ത്ത​നം ആ​രം​ഭി​ച്ച​ത്. സു​ബൈ​ദ പാ​ല​ക്ക​ൽ, ആ​രി​ഫ ഫാ​റൂ​ഖ് എ​ന്നി​വ​ർ​ക്ക് പു​റ​മെ, വൈ​സ് പ്ര​സി​ഡ​ന്റ് മു​ജീ​ബ് പു​ളി​ക്കു​ന്ന​ത്തും രാ​ധാ​കൃ​ഷ്ണ​ൻ, അ​ഷ്‌​റ​ഫ്‌, മൊ​യ്‌​ദീ​ൻ​കോ​യ, മു​ഹ​മ്മ​ദ്‌ റാ​ഫി, ബി​ന്ദു, അ​ഞ്ജ​ന എ​ന്നി​വ​ർ ബോ​ർ​ഡ് അം​ഗ​ങ്ങ​ളു​മാ​ണ്.

ക​ഴി​ഞ്ഞ ഏ​താ​നും ആ​ഴ്ച​ക​ളാ​യി എ​ട​ക്ക​ഴി​യൂ​ർ മ​ത്സ്യ​ത്തൊ​ഴി​ലാ​ളി വി​ക​സ​ന ക്ഷേ​മ സ​ഹ​ക​ര​ണ സം​ഘ​ത്തി​ൽ പ്ര​സി​ഡ​ൻ​റും സെ​ക്ര​ട്ട​റി​യും ത​മ്മി​ൽ തു​ട​ങ്ങി​യ പോ​രി​ന്റെ അ​വ​സാ​ന​മാ​ണ് ഇ​പ്പോ​ഴ​ത്തെ സം​ഭ​വ വി​കാ​സ​ങ്ങ​ൾ. പ്ര​സി​ഡ​ൻ​റ് ഏ​കാ​ധി​പ​തി​യാ​യി പ്ര​വ​ർ​ത്തി​ക്കു​ന്നു​വെ​ന്നാ​രോ​പി​ച്ച് ബോ​ർ​ഡി​ലെ നാ​ല് അം​ഗ​ങ്ങ​ൾ രം​ഗ​ത്ത് വ​ന്നി​രു​ന്നു. ഇ​തി​നെ​തി​രെ ജൂ​ൺ ഏ​ഴി​ന് സ്ഥി​ര​മാ​യി മൂ​ന്ന് യോ​ഗ​ത്തി​ൽ പ​ങ്കെ​ടു​ത്തി​ല്ലെ​ന്നും കാ​ര​ണം കാ​ണി​ക്ക​ണ​മെ​ന്നു​മാ​വ​ശ്യ​പ്പെ​ട്ട് സെ​ക്ര​ട്ട​റി ആ​രി​ഫ ഫാ​റൂ​ഖ് ഉ​ൾ​പ്പെ​ടെ മൂ​ന്ന് അം​ഗ​ങ്ങ​ൾ​ക്ക് നോ​ട്ടി​സ് അ​യ​ച്ചി​രു​ന്നു.

എ​ന്നാ​ൽ, സെ​ക്ര​ട്ട​റി സ്ഥി​ര​മാ​യി യോ​ഗ​ത്തി​ൽ പ​ങ്കെ​ടു​ക്കു​ന്ന​യാ​ളാ​ണ്. മ​റ്റു ര​ണ്ട് അം​ഗ​ങ്ങ​ൾ യോ​ഗ​ത്തി​ൽ പ​ങ്കെ​ടു​ക്കാ​ത്ത​തി​ന്റെ വ്യ​ക്ത​മാ​യ കാ​ര​ണം കാ​ണി​ച്ചി​രു​ന്നു​വെ​ന്നും പ​റ​യു​ന്നു. ഇ​ക്കാ​ര്യം മ​റ​ച്ചു​വെ​ച്ച് പ്ര​സി​ഡ​ന്റ് മൂ​ന്ന് പേ​രു​ടെ​യും അം​ഗ​ത്വം ന​ഷ്ട​പ്പെ​ടു​ത്തി​യ​ത്രെ. അ​തേ​സ​മ​യം സ്ഥി​ര​മാ​യി യോ​ഗ​ത്തി​ൽ പ​ങ്കെ​ടു​ക്കാ​ത്ത ര​ണ്ട് അം​ഗ​ങ്ങ​ൾ​ക്ക് ഇ​ത്ത​ര​ത്തി​ൽ ര​ജി​സ്‌​റ്റ​ർ അ​യ​ച്ചി​ട്ടു​മി​ല്ലെ​ന്നാ​ണ് ആ​രോ​പ​ണം.

മി​നു​റ്റ്സ് ബു​ക്ക് പ​രി​ശോ​ധി​ച്ച​പ്പോ​ൾ ഇ​വ​ർ​ക്ക് വേ​ണ്ടി വ്യാ​ജ ഒ​പ്പി​ട്ട​താ​യി ക​ണ്ടെ​ത്തി​യെ​ന്നു​മാ​ണ് ആ​രി​ഫ​യു​ടെ വാ​ദം. ഇ​ക്കാ​ര്യം ചോ​ദ്യം ചെ​യ്ത സെ​ക്ര​ട്ട​റി ആ​രി​ഫ​ക്കെ​തി​രെ സം​ഘ​ത്തി​ന്റെ ഓ​ഫി​സി​ൽ അ​തി​ക്ര​മി​ച്ചു ക​യ​റി എ​ന്ന് ആ​രോ​പി​ച്ച് ക​ഴി​ഞ്ഞ​മാ​സം സു​ബൈ​ദ ചാ​വ​ക്കാ​ട് പൊ​ലീ​സി​ൽ പ​രാ​തി ന​ൽ​കി​യി​രു​ന്നു.

തു​ട​ർ​ന്ന് സെ​ക്ര​ട്ട​റി ആ​രി​ഫ​യും മ​റ്റ് മൂ​ന്ന് അം​ഗ​ങ്ങ​ളും സം​ഘ​ത്തി​ൽ ഒ​രു കാ​ര്യ​ത്തി​നും പോ​കാ​റി​ല്ല. അ​തി​നി​ട​യി​ലാ​ണ് വ്യാ​ജ ഒ​പ്പി​ട്ട് പ​ണം മാ​റി​യെ​ന്ന​ത് ക​ണ്ടെ​ത്തു​ന്ന​ത്. സെ​ക്ര​ട്ട​റി ആ​രി​ഫ​യെ പു​റ​ത്താ​ക്കി​യെ​ന്ന് പ​റ​യു​മ്പോ​ഴും പു​തി​യ സെ​ക്ര​ട്ട​റി​യെ തെ​ര​ഞ്ഞെ​ടു​ത്തി​ട്ടി​ല്ല.