തൃശൂർ ചാവക്കാട് മെഡിക്കൽ ഷോപ്പിൽ പിപിഇ കിറ്റ് ധരിച്ച് മോഷണം നടത്തിയ പ്രതി പിടിയിൽ. കൊല്ലം സ്വദേശി രാജേഷ് എന്ന് വിളിക്കുന്ന അഭിലാഷ് ആണ് പിടിയിലായത്. ഇയാൾ നിരവധി മോഷണക്കേസിലെ പ്രതിയാണെന്ന് പോലീസ് അറിയിച്ചു.
കഴിഞ്ഞ ആഗസ്റ്റ് 29ന് ചാവക്കാട് ആശുപത്രി പടിയിലെ വി കെയർ മെഡിക്കൽസിലാണ് പ്രതി കവർച്ച നടത്തിയത്. കടയുടെ ഷട്ടർ കുത്തിപ്പൊളിച്ച് അകത്തു കയറിയ മോഷ്ടാവ് മുകളിലെ നിലയിലെ ഓഫീസ് തുറന്ന് മേശയിലെ പൂട്ട് തകർക്കുകയായിരുന്നു. മേശയിലുണ്ടായിരുന്ന ഒരുലക്ഷത്തി എണ്പതിനായിരം രൂപയാണ് മോഷ്ടാവ് കവര്ന്നത്. മേഖലയിലെ സിസിടിവി ദൃശ്യങ്ങളടക്കം കേന്ദ്രീകരിച്ചായിരുന്നു പൊലീസിന്റെ അന്വേഷണം. പ്രതിയെ മോഷണം നടന്ന മെഡിക്കല് ഷോപ്പിലെത്തിച്ച് തെളിവെടുപ്പ് പൂര്ത്തിയാക്കി.
