കു​ന്നം​കു​ളം: പ​ട്ടാ​പ്പ​ക​ൽ വീ​ട് കു​ത്തി​ത്തു​റ​ന്ന് മോ​ഷ​ണം ന​ട​ത്തി​യ സം​ഭ​വ​ത്തി​ൽ അ​റ​സ്റ്റി​ലാ​യ പ്ര​തി​യെ സം​ഭ​വ​സ്ഥ​ല​ത്ത് കൊ​ണ്ടു​വ​ന്ന് തെ​ളി​വെ​ടു​പ്പ് ന​ട​ത്തി. ബു​ധ​നാ​ഴ്ച ഉ​ച്ച​ക്കു​ശേ​ഷം ഒ​ന്ന​ര​യോ​ടെ വ​ൻ പൊ​ലീ​സ് സം​ഘ​മാ​ണ് പ്ര​തി ക​ണ്ണൂ​ർ ഇ​രി​ട്ടി ഇ​സ്മാ​യി​ലി​നെ കൊ​ണ്ടു​വ​ന്ന​ത്. കു​ന്നം​കു​ളം അ​സി. പൊ​ലീ​സ് ക​മീ​ഷ​ണ​ർ ടി.​എ​സ്. സി​നോ​ജ്, സി.​ഐ യു.​കെ. ഷാ​ജ​ഹാ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് കൊ​ണ്ടു​വ​ന്ന​ത്. വ​ൻ ജ​ന​ക്കൂ​ട്ട​വും സ്ഥ​ല​ത്തു​ണ്ടാ​യി​രു​ന്നു.

പ്ര​തി​ക്കെ​തി​രെ ധ​ർ​മ​ടം, എ​ള​മ​ക്ക​ര, മ​ല​പ്പു​റം, തൃ​ക്കാ​ക്ക​ര, കോ​ഴി​ക്കോ​ട് മെ​ഡി​ക്ക​ൽ കോ​ള​ജ്, കോ​ഴി​ക്കോ​ട് ടൗ​ൺ, ഫ​റൂ​ക്ക്, ന​ല്ല​ളം, കാ​യം​കു​ളം, പ​ത്ത​നാ​പു​രം, ക​ള​മ​ശേ​രി പൊ​ലീ​സ് സ്റ്റേ​ഷ​നു​ക​ളി​ൽ കേ​സു​ണ്ട്. മോ​ഷ​ണ കേ​സി​ൽ ര​ണ്ട് മാ​സ​മാ​യി മാ​വേ​ലി​ക്ക​ര ജ​യി​ലി​ലാ​യി​രു​ന്ന പ്ര​തി ക​ഴി​ഞ്ഞ ഡി​സം​ബ​ർ ര​ണ്ടി​നാ​ണ് ഇ​റ​ങ്ങി​യ​ത്.

തു​ട​ർ​ന്ന് ഒ​രു മാ​സ​ത്തി​നു​ള്ളി​ൽ ര​ണ്ടാ​മ​ത്തെ മോ​ഷ​ണ​മാ​യി​രു​ന്നു കു​ന്നം​കു​ള​ത്ത് ന​ട​ത്തി​യ​ത്. ആ​ഴ്ച​ക​ൾ​ക്ക് മു​മ്പ് പു​ന​ലൂ​രി​ൽ ഒ​രു വീ​ട്ടി​ൽ സ​മാ​ന രീ​തി​യി​ൽ മോ​ഷ​ണം ന​ട​ത്തി​യ​താ​യും പ്ര​തി സ​മ്മ​തി​ച്ചി​ട്ടു​ണ്ട്. സ​മീ​പ​ത്തെ വീ​ടു​ക​ളി​ലെ സി.​സി.​ടി.​വി കാ​മ​റ​ക​ളാ​ണ് പ്ര​തി​യെ വേ​ഗ​ത്തി​ൽ പി​ടി​കൂ​ടാ​ൻ സ​ഹാ​യി​ച്ച​ത്. പൊ​ലീ​സി​ന്റെ പ​ഴു​ത​ട​ച്ച അ​ന്വേ​ഷ​ണ​ത്തി​ൽ ഒ​മ്പ​തു​ദി​വ​സ​ത്തി​ന​കം പ്ര​തി​യെ വ​ല​യി​ലാ​ക്കാ​നാ​യി.