ഡ്രാഗൺ ഫ്രൂട്ട് കൃഷിയിൽ ചുവട് വെച്ച് ലിന്റോ

ചാ​ല​ക്കു​ടി: ഡ്രാ​ഗ​ൺ ഫ്രൂ​ട്ട് കൃ​ഷി​യി​ൽ ഒ​രു കൈ ​നോ​ക്കാ​ൻ കാ​ടു​കു​റ്റി പ​ഞ്ചാ​യ​ത്തി​ലെ വൈ​ന്ത​ല സ്വ​ദേ​ശി തെ​ക്കി​നി​യ​ത്ത് ലി​ന്റോ. റ​മ്പൂ​ട്ടാ​ൻ, മാ​ങ്കോ​സ്റ്റി​ൻ തു​ട​ങ്ങി​യ വ്യ​ത്യ​സ്ത പ​ഴ​ക്കൃ​ഷി​ക​ൾ ചാ​ല​ക്കു​ടി മേ​ഖ​ല​യി​ൽ വേ​രു​പി​ടി​ക്കു​മ്പോ​ൾ കൂ​ട്ട​ത്തി​ൽ ഡ്രാ​ഗ​ൺ ഫ്രൂ​ട്ട് കൃ​ഷി​യു​മു​ണ്ട്. കാ​ക്ക​നാ​ട്ട് നി​റ്റ ജ​ലാ​റ്റി​ൻ ക​മ്പ​നി ജീ​വ​ന​ക്കാ​ര​നാ​യ ലി​ന്റോ ജോ​ലി ക​ഴി​ഞ്ഞു​ള്ള ഒ​ഴി​വു​സ​മ​യ​ങ്ങ​ളി​ൽ വി​വി​ധ ത​രം പ​ഴ​കൃ​ഷി​ക​ൾ​ക്ക് വേ​ണ്ടി സ​മ​യം ക​ണ്ടെ​ത്തു​ക​യാ​ണ്.

എ​ന്നാ​ൽ, വീ​ട്ടു​വ​ള​പ്പി​ൽ സ്ഥ​ല​മി​ല്ലാ​ത്ത​തി​നാ​ൽ മ​റ്റു​ള്ള​വ​രു​ടെ സ്ഥ​ല​ത്താ​ണ് പ​ഴ​ക്കൃ​ഷി ന​ട​ത്തു​ന്ന​ത്. അ​ബി​യു, റം​ബു​ട്ടാ​ൻ, മാ​ങ്കോ​സ്റ്റി​ൻ, വി​വി​ധ ത​രം മാ​വു​ക​ൾ എ​ന്നി​വ​യാ​ണ് കൃ​ഷി ചെ​യ്യു​ന്ന​ത്. പ​ല​രും പ​ഴ​ത്തോ​ട്ടം സെ​റ്റ് ചെ​യ്യാ​ൻ ലി​ന്റോ​യെ ഏ​ൽ​പി​ക്കു​ന്നു​മു​ണ്ട്. പ​ഴ​ച്ചെ​ടി​ക​ൾ ന​ട്ടു​വ​ള​ർ​ത്തി ഫ​ല​ങ്ങ​ളു​ണ്ടാ​കു​ന്ന ഘ​ട്ട​ത്തി​ൽ പ്ര​തി​ഫ​ലം വാ​ങ്ങി ഉ​ട​മ​സ്ഥ​നെ തി​രി​ച്ചേ​ൽ​പി​ക്കും. സു​ഹൃ​ത്തി​ന്റെ 18 ഏ​ക്ക​ർ സ്ഥ​ലം പാ​ട്ട​ത്തി​നെ​ടു​ത്താ​ണ് പ​രീ​ക്ഷ​ണാ​ടി​സ്ഥാ​ന​ത്തി​ൽ ഡ്രാ​ഗ​ൺ ഫ്രൂ​ട്ട് കൃ​ഷി ആ​രം​ഭി​ച്ച​ത്. ഇ​പ്പോ​ൾ വി​ള​വെ​ടു​പ്പി​ന്റെ ഘ​ട്ട​ത്തി​ലാ​ണ്.

മൂ​ന്ന് വ​ർ​ഷം പ്രാ​യ​മെ​ത്തി​യ ചെ​ടി​ക​ളു​ടെ ത​ണ്ടാ​ണ് ന​ടാ​റ്. അ​തി​ന് പ​ട​ർ​ന്നു ക​യ​റാ​ൻ പോ​സ്റ്റു​ക​ൾ നി​ർ​മി​ക്ക​ണം. ചെ​ടി​ക്ക് പ​ന്ത​ലി​ക്കാ​ൻ പോ​സ്റ്റി​ന് മു​ക​ളി​ൽ വ​ള​യ​ങ്ങ​ൾ സ്ഥാ​പി​ക്ക​ണം. ഇ​ത് സൈ​ക്കി​ൾ, മോ​ട്ടോ​ർ സൈ​ക്കി​ൾ എ​ന്നി​വ​യു​ടെ റി​മ്മോ ട​യ​റോ വ​ച്ചാ​ലും മ​തി. ഒ​രു വ​ർ​ഷം കൊ​ണ്ട് ചെ​ടി​യി​ൽ പ​ഴ​ങ്ങ​ൾ ഉ​ണ്ടാ​കും. ന​ല്ല വെ​യി​ലാ​ണ് ഈ ​കൃ​ഷി​ക്ക് ആ​വ​ശ്യം.