ശാന്തിമഠം വില്ല തട്ടിപ്പ്: ഒളിവിലായിരുന്ന പ്രതി അറസ്റ്റിൽ

ഗു​രു​വാ​യൂ​ർ: ശാ​ന്തി​മ​ഠം വി​ല്ല ത​ട്ടി​പ്പു​മാ​യി ബ​ന്ധ​പ്പെ​ട്ട് കോ​ട​തി​യി​ൽ ഹാ​ജ​രാ​കാ​തെ ഒ​ളി​വി​ൽ ക​ഴി​ഞ്ഞി​രു​ന്ന ഒ​​രു പ്ര​തി കൂ​ടി അ​റ​സ്റ്റി​ൽ. ശാ​ന്തി​മ​ഠം ബി​ൽ​ഡേ​ഴ്‌​സ് ആ​ൻ​ഡ് ഡെ​വ​ല​പ്പേ​ഴ്‌​സ് മാ​നേ​ജി​ങ് പാ​ർ​ട്ണ​ർ നോ​ർ​ത്ത് പ​റ​വൂ​ർ തെ​ക്കേ​നാ​ലു​വ​ഴി ശാ​ന്തി​മ​ഠം വീ​ട്ടി​ൽ മ​ഞ്ജു​ഷ​യാ​ണ് (45) അ​റ​സ്റ്റി​ലാ​യ​ത്. ഗു​രു​വാ​യൂ​ർ സ്റ്റേ​ഷ​ൻ പ​രി​ധി​യി​ൽ ശാ​ന്തി​മ​ഠം വി​ല്ല പ്രോ​ജ​ക്ട് എ​ന്ന​പേ​രി​ൽ വി​ല്ല​ക​ൾ നി​ർ​മി​ച്ചു​കൊ​ടു​ക്കാ​മെ​ന്ന് പ​റ​ഞ്ഞ് നി​ക്ഷേ​പ​ക​രി​ൽ​നി​ന്ന് പ​ണം വാ​ങ്ങി​യ ശേ​ഷം വി​ല്ല പൂ​ർ​ത്തി​യാ​ക്കാ​തെ വ​ഞ്ചി​ച്ചെ​ന്നാ​ണ് കേ​സ്.

ഇ​തു​മാ​യി ബ​ന്ധ​പ്പെ​ട്ട് 2012-2018 കാ​ല​ത്ത് ഗു​രു​വാ​യൂ​ർ പൊ​ലീ​സ് സ്റ്റേ​ഷ​നി​ൽ നൂ​റി​ല​ധി​കം കേ​സു​ക​ൾ ര​ജി​സ്റ്റ​ർ ചെ​യ്തി​രു​ന്നു. അ​തി​ൽ 31ല​ധി​കം കേ​സു​ക​ളി​ൽ മ​ഞ്ജു​ഷ പ്ര​തി​യാ​ണ്. അ​ന്വേ​ഷ​ണം പൂ​ർ​ത്തി​യാ​ക്കി കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചെങ്കിലും പ്ര​തി​ക​ൾ വി​ചാ​ര​ണ​ക്ക് ഹാ​ജ​രാ​കാ​തെ ഒ​ളി​വി​ൽ ക​ഴി​യു​ക​യാ​യി​രു​ന്നു. കോ​ട​തി വാ​റ​ൻ​റ് പു​റ​പ്പെ​ടു​വി​ച്ച​തി​നെ തു​ട​ർ​ന്ന് സി​റ്റി പൊ​ലീ​സ് ക​മീ​ഷ​ണ​ർ ആ​ർ. ഇ​ള​ങ്കോ​യു​ടെ നി​ർ​ദേ​ശാ​നു​സ​ര​ണം എ.​സി.​പി കെ.​എം. ബി​ജു, സ്പെ​ഷ​ൽ ബ്രാ​ഞ്ച് എ.​സി.​പി കെ. ​സു​ഷീ​ർ എ​ന്നി​വ​രു​ടെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്ക​രി​ച്ചി​രു​ന്നു. വി​വി​ധ​യി​ട​ങ്ങ​ളി​ൽ ഒ​ളി​വി​ൽ ക​ഴി​ഞ്ഞ പ്ര​തി​യെ മാ​ള​യി​ൽ​നി​ന്നാണ് പി​ടി​കൂ​ടി​യ​ത്. ഗു​രു​വാ​യൂ​ർ സ്റ്റേ​ഷ​ൻ ഇ​ൻ​സ്‌​പെ​ക്ട​ർ സി. ​പ്രേ​മാ​ന​ന്ദ​കൃ​ഷ്ണ​ൻ, എ.​എ​സ്.​ഐ വി​പി​ൻ, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ അ​ന​സ്, സൗ​മ്യ​ശ്രീ, സി​റ്റി സ്‌​ക്വാ​ഡ് അം​ഗ​ങ്ങ​ളാ​യ എ​സ്.​ഐ റാ​ഫി, എ.​എ​സ്.​ഐ പ​ള​നി​സാ​മി, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പ്ര​ദീ​പ് കു​മാ​ർ, സ​ജി ച​ന്ദ്ര​ൻ, സി.​പി.​ഒ സിം​പ്സ​ൺ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി​ റി​മാ​ൻ​ഡ് ചെ​യ്തു. മ​റ്റു പ്ര​തി​ക​ളാ​യ രാ​കേ​ഷ് മ​നു, ര​ഞ്ജി​ഷ എ​ന്നി​വ​രെ നേ​ര​ത്തേ അ​റ​സ്റ്റ് ചെ​യ്തി​രു​ന്നു.